नेकपा माओवादी केन्द्रले घोडाघोडी नगरपालिका वडा नम्बर १ को वडाध्यक्षको उम्मेदवारीको टुङ्गो लगाएको छ । आसन्न स्थानीय तहको निर्वाचनको लागी वडा अध्यक्षमा लक्ष्मण न्युरेलाई अगाडि सारेको छ ।
शनिवार बसेको जिल्ला समन्वय समिति र नेकपा माओवादी केन्द्र घोडाघोडी नगर कमिटीको पूर्ण बैठकले सर्वसम्मत रुपमा लक्ष्मण न्युरेलाई अगाडि सारेको हो ।![](http://news.nepalitheme.website/igrycoot/2022/03/276145352_2117423041738842_7964238591696995025_n-1-300x225.jpg)
![](http://news.nepalitheme.website/igrycoot/2022/03/276145352_2117423041738842_7964238591696995025_n-1-300x225.jpg)
वैशाख ३० गते हुने स्थानीय तहको निर्वाचनको लागी लक्ष्मण न्युरेलाई उम्मेदवार बनाउने निर्णय भएको नेकपा माओवादी केन्द्र वडा नम्बर १ का सचिव गोपाल रेग्मीले जानकारी दिए । अन्य चार जना सदस्यको टुङ्गो गठबन्धन हुने नहुने कुरामा भर पर्ने उनले जानकारी दिए ।
सर्वसम्मत रुपमा लक्ष्मण न्युरेलाई वडाध्यक्षको लागी अगाडि सारेको रेग्मीले जानकारी दिए । लक्ष्मण न्युरे नेकपा माओवादी केन्द्र घोडाघोडी नगरपालिका वडा नम्बर १ का वडा अध्यक्ष पनि हुन् ।
उम्मेदवार टुङ्गो लागेसँगै प्रचारप्रसारमा तीव्रता दिने पाटीले जानकारी दिएको छ । अन्य वडाहरूको केही दिनमा टुङ्गो लाग्ने बताएको छ ।